MARS 2022

 

TORSDAG 31. MARS
Aktivitet: Terrengsykkel (Cube AMS 100)
Totaltid: 2t 15min
Akk. høgdemeter: 521
Bjarte og eg.

 

ONSDAG 30. MARS
Aktivitet: Skarespringing (Salomon Snowspike)
Fjell: Lønahorgi (1410m) frå Bavallen
Totaltid: 2t 30min
Akk. høgdemeter: 1215
Optimale forhold for joggesko i høgfjellet.

  

TYSDAG 29. MARS
Aktivitet: Terrengsykkel (Cube AMS 100)
Totaltid: 2t 30min
Akk. høgdemeter: 799
Bjarte og eg + Ola og Rune som me traff på og slo oss saman med undervegs. To rundar rundt Vangsvatnet og ein tur opp til Oppheim i Vestbygdi.

 

 

MÅNDAG 28. MARS
Aktivitet: Ski (Völkl VTA 80)
Fjell: Lønahorgi (1410m)
Totaltid: 2t 11min
Akk. høgdemeter: 1215
Hans-Inge, Rune og eg. Tidenes verste føre - vindslipt panserskare ispedd isklumpar. Men turfølget var bra - ein fersk norgesmester og kongepokalvinnar, og ein nyutnevnt professor.

 

SUNDAG 27. MARS
Aktivitet: Fatbike (Surly Moonlander)
Område: Golsfjellet
Totaltid: 4t 20min
Akk. høgdemeter: 661
Tidleg start sidan det er varmegrader om natta heilt opp mot 1000 moh. for tida.

 

LAURDAG 26. MARS
Aktivitet: Ski (G3 Synapse 101)
Fjell: Storebottskarvet (1719m) x 2 
Totaltid: 3t 35min
Akk. høgdemeter: 1458
Frå Støytestølen opp på Storebottskarvet frå nordsida. Så nydeleg slush ned til Gyrinosvatnet på sørsida. Opp att på toppen og fin og jevn skare ned att på nordsida.

I løpet av tida eg var på fjellet kom elva oppå isen ned dalen. Heldigvis såg eg det frå langt oppe i lia, slik at eg kunne sikte meg inn på ein plass der eg kunne ha god fart når eg kryssa. Det gjekk sånn rimeleg bra - vart litt våt på beina, men må berre vera glad for at Synapsen planar godt slik at eg eg ikkje sank...

 

FREDAG 25. MARS
Aktivitet: Fatbike (Surly Moonlander)
Totaltid: 5t 35min
Akk. høgdemeter: 830
Langtur på Golsfjellet og Flæin.

 

TORSDAG 24. MARS
Aktivitet: Fatbike (Surly Moonlander)
Stad: Rallarvegen
Totaltid: 2t 15min
Akk. høgdemeter: 232
Kveldstur med hodelykt på Rallarvegen. Starta på Haugastøl.

 

ONSDAG 23. MARS
Aktivitet: Terrengsykkel (Cube AMS 100)
Totaltid: 1t 40min
Akk. høgdemeter: 279
Ein tur opp til Skjervet og litt att og fram nær Vangen.

 

MÅNDAG 21. MARS
Aktivitet: Stispringing (Salomon Speedcross 5)
Område: Over Vidden i Bergen
Rute: Montana - Ulriken - Vidden - Rundemanen - Montana
Totaltid: 3t 05min
Akk. høgdemeter: 965
Fine forhold over Vidden, fast og fin snø å springe på.

 

SUNDAG 20. MARS
Aktivitet: Ski (Völkl VTA 80)
Totaltid: 9t 10min
Akk. høgdemeter: 4169
Frå Raundalen opp på Horndalsnuten. Så ned til Horndalsbotnen og via Fribotnen opp på Skipadalsnuten. Så ned Dyrebotnen og opp att Mysedalen og Trollabotnen til Rastaklov. Føret og været fram til dette tidspunktet var nydeleg, men no byrja det å blåsa meir og meir - snøføyka vart etter kvart  voldsom frå toppane. Eg slapp meg derfor ned  frå Rastaklov via Seldalen til Fagnastøl. Denne nedkøyringa er ikkje spesielt bratt, men det er fin cruising i storslagne omgivelsar. Så opp i passet mellom Skipadalsnuten og Horndalsnuten (ville ikkje opp på toppen pga. vinden) og ned att i Horndalsbotnen . Så siste motbakken nesten opp at til ryggen mellom Horndalsnuten og Vatnaknausen. Fem flotte nedkøyringar, men føret vart merkbart dårlegare pga. vinden i løpet av dei timane eg dreiv på.

 

LAURDAG 19. MARS
Aktivitet: Terrengsykkel (Cube AMS 100)
Totaltid: 1t 45min
Akk. høgdemeter: 288
Litt att og fram i Vossebygda, mest på asfalt men også litt sti.

 

FREDAG 18. MARS
Aktivitet: Ski (G3 Seekr 110)
Stad: Jordalen, fortoppen på Vardanosi
Totaltid: 5t 10min
Akk. høgdemeter: 3033
Ny eventyrleg kveldsøkt i Jordalen! Fullmåne og 15 cm. pudder "med respons" frå topp til botn. Dvs. ikkje botnalaust pudder, men slik at du såvidt kan føle det harde langt der nede. Dette gir deg eit skikkeleg skyv ut av snøen i kvar sving, og dermed oppleves føret svært raskt og leikent. Når det er botnalaust må du køyre bratt for å oppnå så stor fart at skia kjem opp av snøen - slik at det verkeleg blir moro. Nesten som ein båt som går opp i plan (sjølvsagt avhengig av kor brei ski du har).

Det er kun måneljos på bileta over (og på eit par av dei også ljos frå hodelykta). Fullmåne på nysnø lyser opp fjellet på ein måte som er vanskeleg å forstå dersom ein ikkje har opplevd det.

I kveld møtte eg hjort, rev, hare og storfugl på ein og samme tur. Og ein stor flokk på 20 ryper som eksploderte opp av snøen rett framfor meg på den første nedkøyringa (eg traff heldigvis ingen, slik eg har gjort ved eit par anledningar tidlegare). Det er ein annan fin ting med kveldsturar - det er mykje større sjanse for å sjå dyreliv enn på dagtid.

 

TYSDAG 15. - ONSDAG 16. MARS
Bålnatt under månen på Mjølfjell. Trond, Mads, Balder og eg.

 

TYSDAG 15. MARS
Aktivitet: Stisykling (Cube Stereo160)
Område: Bømoen
Totaltid: 1t 25min
Akk. høgdemeter: 174

 

MÅNDAG 14. MARS
Aktivitet: Ski (Völkl VTA 80)
Fjell: Stavaskarsnuten (1349m) x 2 og sørvesttoppen (1540m) på Olsskavlen 
Totaltid: 4t 45min
Akk. høgdemeter: 2238
Frå Liaset over Stavaskarsnuten og ned renna til Nordrebotnen. Så opp Vestrebotnen til den markerte sørvestoppen på Olsskavlen. Herifrå rett ned att Vestrebotnen og opp att på Stavaskarsnuten. Fantastisk slushdag! (så lenge ein valgte rett himmelretning...)

 

SUNDAG 13. MARS
Aktivitet: Stispringing (Salomon Snowspike)
Stad: Storåsen
Totaltid: 1t 05min
Akk. høgdemeter: 276 

 

LAURDAG 12. MARS
Aktivitet: Ski (Völkl VTA 80))
Område: Horn (1103m), men snudde før toppen
Totaltid: 2t 35min
Akk. høgdemeter: 1233
Kraftig vind gjorde at eg droppa toppen i dag, og heldt meg nede i den sørvendte lia der det var nydeleg slush.

 

FREDAG 11. MARS
Aktivitet: Ski (Völkl VTA 80))
Fjell: Horndalsnuten (1461m)
Totaltid: 3t 35min
Akk. høgdemeter: 1441
Marius, Even og eg. Frå Nedrestølen til Horndalsnuten, og ein bonustur ned mot Modalsvatnet. Vinden har herja med det gode føret som var, men bra ned att på nordsida.

(Foto under: Even Lindseth)

(Foto under: Marius Martenson)

 

ONSDAG 9. MARS
Aktivitet: Ski (G3 Synapse 101)
Fjell: Byrseteggi (1025m)
Totaltid: 1t 10min
Akk. høgdemeter: 528
Guttorm, Martin og eg.

 
(Bilete under: Martin Hindenes)

 

TYSDAG 8. MARS
Aktivitet: Ski (G3 Seekr 110)
Fjell: Seldalsnuten (1548m) og Strutseggi x 2 (1137m)
Totaltid: 5t 35min
Akk. høgdemeter: 2367
Frå Liaset til Seldalsnuten, over Strutseggi begge vegar. Fortsatt nydeleg føre stort sett i alle himmelretningar, men tendensar til knekkebrødskare nederst i skogen.

 

MÅNDAG 7. MARS
Aktivitet: Fatbike (Surly Moonlander)
Område: Raugstad - Hangurstoppen - Hanguren
Totaltid: 2t 10min
Akk. høgdemeter: 650

 

SUNDAG 6. MARS
Aktivitet: Ski (G3 Seekr 110)
Fjell: Byrseteggi (1025m)
Totaltid: 1t 30min
Akk. høgdemeter: 690
Øystein og eg. To gonger ned vestsida.

(Foto: Øystein Bjørke)

 

FREDAG 4. MARS
Aktivitet: Ski (G3 Seekr 110)
Fjell: Horndalsnuten (1461m) og Byrseteggi x 2 (1025m)
Totaltid: 5t 15min
Akk. høgdemeter: 1550
Ingvild og eg. Vinterens flottaste skitur så lagt - varmt i sola, fullstendig vindstille og kremføre ned den store renna mot Modalen.

 

TORSDAG 3. MARS
Aktivitet: Ski (G3 Seekr 110)
Stad: Jordalen, fortoppen på Vardanosi
Totaltid: 5t 45min
Akk. høgdemeter: 3104

 

 

ONSDAG 2. MARS
Aktivitet: Ski (G3 Seekr 110)
Stad: Jordalen, fortoppen på Vardanosi
Totaltid: 3t 15min
Akk. høgdemeter: 1549