• Kilimanjaro
  • Inka Trail
  • Newtontoppen
INFORMASJON ANGÅANDE KORONAVIRUSET
NYE TURAR 2021:  MERA PEAK OG AUSANGATE / RAINBOW MOUNTAIN / MACHU PICCHU 
SVALBARD 2021:  HEILE FEM FORSKJELLIGE TURAR PÅ SKI OG TIL FOTS ER SATT OPP
KILIMANJARO

KILIMANJARO

Me går Machame-ruta, den flottaste ruta på fjellet.

Les meir

ACONCAGUA

ACONCAGUA

Aconcagua er det høgaste fjellet i Sør-Amerika.

Les meir

MERA PEAK

MERA PEAK

Ny tur til det høgaste trekking-fjellet i Nepal!

Les meir

INKA TRAIL

INKA TRAIL

Denne turen er verkeleg Sør-Amerika i eit nøtteskall.

Les meir

ELBRUS

ELBRUS

Elbrus er Europas høgaste fjell.

Les meir

ATLASFJELLA

ATLASFJELLA

Atlasfjella i Marokko er alpine, eksotiske og varierte.

Les meir

EVEREST BC / LOBUCHE EAST

EVEREST BC / LOBUCHE EAST

På denne turen kan du pirka verdas aller høgaste fjell på leggen.

Les meir

SVALBARD SKITUR

SVALBARD SKITUR

Svalbard er kanskje eit av dei flottaste arktiske naturområda i verda.

Les meir

NEWTONTOPPEN SKIEKSPEDISJON

NEWTONTOPPEN SKIEKSPEDISJON

Ein litt lenger og tøffare tur enn Svalbard skitur.

Les meir

MOUNT KENYA

MOUNT KENYA

Bli med til Mount Kenya-massivet i Afrika!

Les meir

SVALBARD FOTTUR

SVALBARD FOTTUR

Svalbard eksploderer i ein intens og kort sommar nokre få veker i august.

Les meir

MSAMARIA

MSAMARIA

Hjelp barna på Msamaria Center for Street Children ved foten av Kilimanjaro.

Les meir

dagbok svalbard fottur 2010

 

MANDAG 8. AUGUST

Dei fyrste tilbakemeldingane frå deltakarane og turledar Brynjulv tydar på at dette vart ein uforgløymeleg tur. Og når eg fekk sjå bileta frå turen er det ingen tvil om at dette er ein tur heilt utanom det vanlege. Bileta talar vel for seg... Eg var i utgangspunktet ikkje tenkt å arrangera denne turen fleire gonger sidan det berre var 4 deltakarar på denne turen. Men eg veit at fleire av dei som hadde lyst til å vera med var bekymra for vekta på ryggsekken. Det kan eg no definitivt sei at ikkje er noko problem. Fleire av deltakarane hadde ryggsekkar på berre om lag 14 kilo! Satsar på turar annakvart år framover, 2011, 2013 osv. Turen kan definitivt anbefalast til dei som har lyst til å oppleva urørt og barsk natur, arktisk dyreliv og villmark.

 

Sjå dei fantastiske flotte bileta frå turen.

 

LØRDAG 7. AUGUST

I dag har dei vore på sightseeing i Barentsburg. Brynjulv er den perfekte guiden i denne russiske gruvebyen, då han var ofte her i tida som sysselmannsbetjent på Svalbard for nokre år sidan. Å komma til Barentsburg kan samanliknast med å reise i tid, mange samanliknar det med å dra attende til 50-talet. Båtturen attende til Longyearbyen gjekk langt raskare enn motsatt veg for seks dagar sidan. I dag var det lite bølger og det har sjølvsagt mykje å sei for farten.

 

FREDAG 6. AUGUST

Snakka akkurat med Brynjulv og dei er no straks framme i Barentsburg. Dei har hatt ein strålande tur og naturopplevingane har vore overveldande. Tidlegare i dag bada dei i fjorden, badetemperaturen var 2-3 grader (men det er vel omtrent som i resten av Noreg denne sommaren...) No ventar middag og overnatting på Barentsburg Hotell, før dei i morgo skal ha ein sightseeing i den spesielle russiske gruvebyen.

 

ONSDAG 4. AUGUST

I dag har dei kryssa Vestre Grønfjordbreen og har satt opp leir innerst i Grønfjorden. Ein fantastisk dag - i følge Brynjulv - litt skodde på morgonkvisten, men det vart strålande flott etter kvart som dei kom opp på sjølve breen. Då dei kom ned til der dei har satt opp leiren, stod velkomstkomitéen klar - to store reinsbukkar. Ellers har dei sett mykje fuglar og dyreliv generelt. Denne leiren kjem dei til å overnatta to netter i. I morgon går dei ein dagstur frå leiren.

 

TIRSDAG 3. AUGUST

Brynjulv ringte går kveld og eg fekk nokre få ord med han før satelitten sannsynlegvis dukka under horisonten. Dei er no ved fronten av Vestre Grønfjordbreen innerst i Orustdalen. Dei har gått i tett skydekke i nesten heile dag, men værmeldingane ser betre ut for morgondagen.

 

MANDAG 2. AUGUST

I kveld har dei slått opp leiren ved Skardtjørna. Ein fin dagsmarsj i forholdsvis flatt terreng, og været var også samarbeidsvillig. Dei har sett polarreven på nært hold, ein liten nysgjerrig tass var berre 5-6 meter i frå dei. Sidan det ikkje noko særleg med jakt på Svalbard, er dyra stort sett veldig lett å komma tett innpå. No slappar dei av og nyter ein utsøkt gourmetmiddag (frysetørka…) og samlar krefter for morgondagens marsj vidare i retning Barentsburg.

 

SØNDAG 1. AUGUST

Transportetappen ut til Isfjorden Radio vart lengre enn planlagt. Sjølv om rib'en er laga for stor fart, må den sjølvsagt ta hensyn til bølger. Og akkurat i det dei skulle dra frå Longyearbyen begynte det å blåsa, dermed tok turen over tre timar - ein etappe som i beste fall ikkje tar stort meir enn ein time. Men no er dei etablert på den heilt spesielle overnattingsplassen Isfjorden Radio. I morgo startar vandringa mot Barentsburg.

 

SVALBARD FOTTUR

4 deltakarar, leda av Brynjulv Eide, legg snart ut på ein spesiell gåtur på Svalbard. Gruppa skal gå frå Isfjorden Radio til Barentsburg, gjennom vill og urørt natur. Eit aktivt dyreliv pregar dette området på denne tida. Kanskje får dei sjå både polarrev og Svalbard-rein i tillegg til det yrande fuglelivet. Opphaldet på Isfjorden radio er ein opplevelse i seg sjølv, og dei skal også overnatta på hotellet i barentsburg, den russiske busetninga på Svalbard. Brynjulv Eide ledar denne turen, han kjenner Svalbard som si eiga bukselomme etter mange år som sysselmannsbetjent.

 

Følg med her for oppdateringar frå turen. Dei startar frå Isfjorden Radio søndag 1. august.

 


(Foto: Jarle Trå)

 

dagbok svalbard fottur 2012

 
MÅNDAG 6. AUGUST

I går reiste alle deltakarane frå Longyearbyen, forhåpentlegvis med gode minner om ein uforgløymeleg tur. Brynjulv fortel at turen vart feira til langt på natt med ein runde gjennom "lysløypa" i Longyearbyen. Dei endå til slutt på nattklubben på Huset, og ikkje ein einaste ein av gjengen forlot "åstedet" før nærmare kl. 0400 om natta. Imponerande! Kanskje var det midnattssola som skein inn i Longyearbyen heile natta som fekk dei til å bli litt døgnville...
- Jarle

 

LØRDAG 4. AUGUST

I går kveld fekk dei oppleva eit flott kulturelt innslag med folkedans og musikk i Barentsburg. Det var eigentleg ikkje på programmet, men det er greit å ha tidlegare "Svalbardianarar" som turledarar som kjenner dei fleste der oppe... Båtturen heim igjen til Longyearbyen i dag gjekk veldig fint og dei fekk to stopp undervegs, eit ved eit stort fuglefjell og eit utanfor den nedlagte russiske gruvebyen Grumant. Vel tilbake i Longyearbyen blir det ein bedre middag i kveld . Eg har forstått på turledarane at dette ein svært humørfylt gjeng, så det blir vel sikkert ein liten fest for å feira ein vellykka tur også...
- Jarle

 

FREDAG 3. AUGUST

I dag kom dei fram til Barentsburg, den russiske busetnaden på Svalbard. Den siste etappen langs Grønfjorden var eit flott punktum på ein fantastisk tur. Brynjulv fortel om ein svært humørfylt gjeng, og såvidt eg forsto hadde lattermusklane fått køyrt seg minst like mykje som andre musklar på dagens etappe... I Barentsburg skal dei overnatte på hotellet før dei blir henta med båt i morgon. Men ein liten sightseeing blir det nok tid til før dei returnerer til Longyearbyen. Brynjulv er den perfekte guide på ein slik sightseeing, han er nesten lommekjent i Barentsburg etter sitt nesten 5 år lange opphald på Svalbard som sysselmannsbetjent.
- Jarle

 

Villmarkens sønner og døtre er komne i hus i russiske Barentsburg. (Foto: Brynjulv Eide)

 

TORSDAG 2. AUGUST

I dag har dei gått ein fin fjelltur i området rundt leiren. Været har også i dag vore stort sett bra, men i kveld begynte det å regne lett. Det er nøyaktig det værmeldinga viser, litt regn i natt men lettskya fint vær i morgon. Om nettene lagar dei bål, slik at den som sit bjørnevakt kan halda varmen. Du lurar kanskje på korleis dei kan lage bål når det ikkje veks eit einaste tre på Svalbard? Det ligg store mengder drivtømmer frå Sibir langs Svalbards kystlinje. Ein havstraum fører tømmeret rett mot Svalbard og dette er også bakgrunnen for at fangstmennene på Svalbard kunne bygge seg svære tømmerhytter. I natt såg dei som sat isbjørnvakt heile fem polarrevar. Dei har også sett fleire reinsdyr. Og under lunsjen nede ved fjorden i dag såg dei fleire ringselar som leika seg i fjæra. Tippar dei har mange flotte bilete å visa når dei kjem heim igjen.
- Jarle

 

ONSDAG 1. AUGUST

I dag har dei gått over Grønfjordbreen og er no komne ned til Grønfjorden der dei har slått leir. Været har vore flott også i dag, men no i kveld er det litt skodde rundt fjelltoppane. Dei satsar på å bruke denne leiren i to netter, så i morgon blir det ein fjelltur i området rundt leiren. Det er meir snø igjen i fjellet i år enn sist me arrangerte denne turen. Sist gong gjekk dei meir på blåis over breen, mens denne gongen gjekk dei ein god del på snø. Brynjulv fortel at alle tar sin tørn som isbjørnvakt om natta. Sjølv om sjansen for å møte på bamsen er forholdsvis liten, må ein alltid ta sine forholdsreglar på Svalbard. Det er ein flott opplevelse å sitta vakt om natta og sjå etter isbjørn, mens midnattssola badar landskapet i raudt ljos. Om ein ikkje får tenkt nokon filosofiske tankar i ei slik stund, så får ein det aldri...
- Jarle

 

TIRSDAG 31. JULI

I går kveld tok dei båt frå Longyearbyen til ein landingsplass på vestsida av Grønfjorden. Været er strålande og stemninga forventningsfull framfor fotturen som ligg framfor dei. Turen er i gang!
- Jarle
Snakka med Brynjulv på satelitt-telefon i kveld. Dei har hatt ein flott dag og gjekk opp Kongressdalen frå leiren like ved Grønfjorden. Vidare gjennom Linnédalen til Orustdalen, der dei no har slått leir like ved breen. I morgon kryssar dei sannsynlegvis breen over til området innerst i Grønfjorden. Været har vore strålande, og dei kjem nok til å slita med sovinga i kveld med sola på teltduken nesten heile natta... I dag har dei vada mange mindre og større elver, det er noko av det som gjer ein fottur på Svalbard så spesiell. Men elvane er heldigvis greie å vada, det er stort sett breie og grunne elvar utan store skarpe steinar og sterk straum.
- Jarle

 

Gjengen ved starten av turen (Foto: Brynjulv Eide)

DAGBOK SVALBARD FOTTUR 2012

 
MANDAG 30. JULI

I dag tidleg var det 18 sekundmeter vind inn Isfjorden, så det var ein enkel beslutning å utsetta båtturen ut fjorden til i kveld. Sikkerheitsmessig er det ingen problem, men komforten når båten hoppar frå bølge til bølge kan nok diskuterast... Gjengen har defor vore på ein fin fjelltur opp på dei to fjella Trollsteinen og Sarkofagen - to av dei mest kjente fjella i omådet rundt Longyearbyen.
- Jarle

 

SUNDAG 29. JULI

I går kveld var alle samla i Longyearbyen, og i dag har dei vore på dagstur opp på Platåfjellet over byen. Brynjulv melder om stort sett bra vær - og ein kjempefin gjeng! Dei rakk også ein tur på museumet og ein detaljert gjennomgang av utstyret. Det er viktig å pakke kun det utstyret ein treng når ein skal bæra det på ryggen i 5-6 dagar. Brynjulv og Geir Arne har vore på Svalbard eit par dagar i forvegen og gjort klart alt utstyret, laga frukostblandingar samt mykje anna. Værmeldingen for den neste veka tyder på litt skyer, men ingen nedbør. Temperaturen vil derimot ligga på runndt 0 grader, men me nordmenn er vel godt vant med slike temperaturar i sommar...
- Jarle

 

SVALBARD FOTTUR 2012

13 deltakarar, leda av dei erfarne "Svalbardianarane" Brynjulv Eide og Geir Arne Månum, legg snart ut på ein fantastisk fottur på Svalbard. Gruppa skal gå frå Isfjorden Radio til Barentsburg gjennom vill og urørt arktisk natur. Her er det ingen utlagte bruer eller T-merka stiar. Eit aktivt dyreliv pregar dette området på sommaren. Kanskje får dei sjå både polarrev og dei spesielle reinsdyra som held til på Svalbard i tillegg til det yrande fuglelivet. Dei skal også overnatta på hotellet i Barentsburg, den russiske busetninga på Svalbard. Barentsburg er ei oppleving i seg sjølv.

 

Følg med her for oppdateringar frå turen. Asle, Åse-Marit, Solbjørg, Rolf, Trond, Vigdis, Dag, Tine, Sonja, Trond, Jan W. og Jan B. startar turen i Longyearbyen lørdag 28. juli.

 

Les dagsprogrammet for turen her
Legg gjerne igjen ei helsing til deltakarane i gjesteboka
Vil du bli med til neste år? Ta kontakt på e-post epostadresse eller telefon 907 65 330

 


Bilete frå turen i 2010 (Foto: Brynjulv Eide)

 









 

 

DAGBOK SVALBARD FOTTUR 2013

 


Sjå mange bilete frå denne turen nederst på denne sida.

 

LØRDAG 10. AUGUST


Å ha turledarar som kjenner dei fleste personane på Svalbard er ein stor fordel - i alle fall når ein plutseleg får logistiske utfordringar... Når vinden auka i dag til liten kuling, kom det beskjed frå Longyearbyen at dei raske rib-båtane ikkje kunne komme å hente gjengen i Berentsburg, pga. høg sjø. Men etter nokre raske telefonar frå Brynjulv og Geir Arne fekk me plass på MS Langøysund, som går i turistrute på Svalbard. Det vert ankomst Longyearbyen nokre timar seinare enn planlagt, men til gjengjeld fekk dei lenger tid til å utforske Barentsburg. Dei har også hatt ein omvisning med lokal guide i dag, for verkeleg å komme "under huda" på dette spesielle russiske gruvesamfunnet. I kveld vert det avskjedsmiddag på Huset, ein av dei mest karakteristiske og kjente serveringsstadene i Longyearbyen.
- Jarle

 

FREDAG 9. AUGUST


No er dei på "luksushotellet" i Barentsburg, den russiske busetnaden på Svalbard. Sannsynlegvis sit dei no i baren og feirar med nasjonaldrikken vodka... Målet vart nådd etter fire timars vandring, og det er alltid ein utruleg god opplevelse å nå fram til sivilisasjonen etter ein så lang tur i villmarka som gjengen har gjennomført no. Det regna litt då dei starta i dag, men været er no strålande og dei skal seint i kveld ut å gå ein tur i sentrum opplyst av midnattsola. Reknar med å få tilsendt eit bilete av gjengen som feirar at målet er nådd seinare i kveld.
- Jarle

 


Feiringa av ein vellykka tur er i gang i Berentsburg, midnattsola skaper ein magisk kulisse...
Foto: Brynjulv Eide

 

TORSDAG 8. AUGUST


I dag har det vore ein fuktig dag. Heldigvis skal dei ligga to netter på samme plass, slik at dei slepp ta ned og setta opp telt i regnet. Men humøret og stemningen er høg til tross for at været ikkje er på topp. Etter ein lang morgon der dei slappa av og kosa seg i leiren, gjekk dei ein tur til den såkalla Russerhytta. No er dei attende i leiren og sørger for at bålet som har brent i over eit døgn, fortsetter med det...
- Jarle

 

PS! I løpet av dei siste dagane har dei sett polarrev, reinsdyr og rype.

 


Den einaste teksten som fulgte med biletet frå Brynjulv i dag var "Regn, regn, regn..." Foto: Brynjulv Eide

 

ONSDAG 7. AUGUST


Brynjulv ringte i kveld og gjengen sit no og kosar seg rundt bålet ved leirplassen i Grønfjordalen. Dei har hatt ein flott kryssing av Grønfjordbreen i dag. Litt regn var det, men heldigvis var ikkje skydekket spesielt lågt så dei fekk sjå mykje rundt seg. I ettermiddag fekk dei bryna seg på ei elv der vatnet gjekk opp til skrittet på fleire av dei. Tidlegare år har ikkje denne elva vore på langt nær så stor, så det er tydeleg at denne sommaren har vore våt på Svalbard. Men med Brynjulv og Geir Arnes hjelp kom alle seg trygt og effektivt over, tippar dei to turledarane var rimeleg kalde før alle hadde komme på land på andre sida... No skal dei ligga to netter i denne leiren, så morgondagen blir brukt til å utforska nærområdet.
- Jarle

 

PS! Du lurar kanskje på korleis dei kan brenna bål på Svalbard, der det ikkje er eit einaste tre og knapt nok ein busk? Havstraumane i havet i nord er slik at drivtømmer frå Sibir treff kysten av Svalbard. Dermed har dei ypparleg ved og det var også dette drivtømmeret fangstmennene brukte til å bygga sine solide fangsthytter med. Hyttene måtte tåla at ein svolten bamse banka på døra, så heldigvis var mykje av drivtømmeret av solide proporsjonar.

 


Bilete tatt på Grønfjordbreen under kryssinga i dag. No har dei delvis mobildekning frå Barentsburg lenger ute i fjorden. Foto: Brynjulv Eide


I kveld sit dei rundt bålet og høyrer på skrønene til Brynjulv og Geir Arne...

TIRSDAG 6. AUGUST


I går vart dei satt i land ved Festningen etter ein fin tur med dei to hurtigåande båtane ut Isfjorden. Dei gjekk først vestover flyene til Kapp Linné og skar deretter sørover i retning Orustdalen. Terrenget var overraskande lettgått på tross av alt regnet tidlegare i sommar. Dei har i kveld satt opp leiren på nordsida av Orustdalen, under Griegaksla. Dei har hatt litt regn i dag, men forhåpentlegvis vil det vera oppholdsvær i morgon når dei kryssar Grønfjordbreen. Breen er heilt utan snø så langt dei kan sjå, så det blir sikkert ein flott tur der dei får sjå flotte smeltevasskanalar og formasjonar i isen.
- Jarle

 

Ved Festningen i går, der dei vart satt i land. Her startar fotturen mot Barentsburg...

MANDAG 5. AUGUST


No har sannsynlegvis gjengen blitt satt i land ved Isfjorden Radio og fotturen er i gang. Heldigvis var vindforholda forholdsvis bra i dag, slik at dei slapp å utsetta båtturen. I dag går dei på dei store flate flyene som ligg mellom storhavet i vest og fjellkjeden som reiser seg dramatisk nokre kilometer lenger inne. Rykta fortel at det skal vera utruleg grønt og mykje flora i området i år pga. ein regnfull sommar til no. Kanskje ser dei allerede i dag både reinsdyr og polarrev.
Eg snakka med Brynjulv i går kveld, og dei hadde i går hatt ein flott fjelltur opp Larsbreen til Sarkofagen (500 moh.) og deretter ned igjen Longyearbreen. Ein flott tur der dei også fekk sjå spennande smeltevannskanaler på Longyearbreen. Været var forholdsvis bra, og heldigvis er værmeldingane for dei neste dagane også blitt betre. Følg med her framover, frå og med i dag gir Brynjulv oppdateringar via satellitt-telefon.
- Jarle

 

Før avreise i dag tidleg (Foto: Brynjulv Eide)
På veg opp mot Sarkofagen i går (Foto: Geir Arne Månum)



SØNDAG 4. AUGUST


I går kveld var heile gjengen samla og turen er i gang! Den første dagen blir brukt til forberedelsar, pakking og prøve-oppsetting av telt. Men dei skal også på ein dagstur over Sarkofagen, kanskje får dei brukt stegjerna litt. Det blir også eit besøk på museumet der dei får vita litt meir om den fascinerande historien til Svalbard. Ein aktiv dag altså... I morgon startar sjølve fotturen frå Isfjorden radio til Barentsburg. Me får håpa været blir like bra som på dei forrige turane, værmeldingane er litt usikre framover men generelt er det eit tørt klima på Svalbard så me satsar på at det blir mykje blå himmel.
- Jarle

 

SVALBARD FOTTUR 2013


Også i år er det ei stor gruppe på 13 personar som om legg ut på ein skikkeleg eventyr-tur på Svalbard. Og det er dei samme turledarane også, Brynjulv Eide og Geir Arne Månum - meir kompetente Svalbard-guidar er det vanskeleg å tenka seg! Gruppa skal i løpet av seks dagar gå frå Isfjorden Radio til Barentsburg gjennom vill og urørt arktisk natur. Her er det ingen utlagte bruer eller T-merka stiar. Eit aktivt dyreliv pregar dette området på sommaren. Kanskje får dei sjå både polarrev og dei spesielle reinsdyra som held til på Svalbard i tillegg til det yrande fuglelivet. Og kanskje ser dei bamsen om dei er riktig heldige. Dei skal også overnatta på hotellet i Barentsburg, den russiske busetninga på Svalbard - ei oppleving i seg sjølv.

 

Følg med her for oppdateringar frå turen. Unnlaug, Sverre, Siri, Andor, Eva, Anne Elisabeth, Anne Kristin, Grethe, Bjørn, Torbjørn, Liv, Solfrid og Anders startar turen i Longyearbyen førstkommande lørdag 3. august. Sjølve fotturen startar mandag. Her kan du sjå detaljert dagsprogram og mykje anna informasjon om turen.

 

Legg gjerne igjen ei helsing til deltakarane i gjesteboka
Vil du bli med til neste år? Ta kontakt på e-post epostadresse eller telefon 907 65 330

 


Bilete frå turen (Foto: Brynjulv Eide og Geir Arne Månum)


























Nyheitsbrev

Registrer epost-adressa di her for å motta nyheitsbrev med jamne mellomrom.